Bev & Tim Holdahl | hjå Aabergs, Rapid City | Mt. Rushmore | Custer State Park. | Præriehund ("vønd") |
21/9-2003 Tek farvel med familien Holdahl. Avreise Sioux City 11.00 til Rapid
City ca 17. --- Bussreisa gjekk
vest- og nordover og ikkje etter motorvegen. Vi fekk sola i ryggen høgstdags
– over så lang tid at eg tok til å undrast på om eg hadde tulla meg inn på
feil buss. Men då bussen stogga i Huron (SD) fekk eg tilslutt orientert meg. No
er vi på veg mot Pierre (delstatshovudstaden).
Dei laug ikkje då dei fortalde meg at ALT
endra seg når ein kryssa Missouri. Eg tok nokre bilete gjennom bussglaset,
fyrst nedgangen frå elveryggen mot Pierre, sidan ute på prærien. Her og der
er det vatn, det er svært lite tre og busker, mest gras, og her og der større
areal kultivert land.
Då vi kom inn att på hovudvegen endra
landskapet totalt karakter nok eingong. Staden var nær Wall. Vi klatra opp på
ei sandavsetjing (tydelege tidsavsetningar i farge og tjukkleik). Oppe på denne
formasjonen var vi etter kartet å døma inne i ”dei svarte bakkene”, der
Rapid City er eit knutepunkt. Her og der er det kraftig ravinelandskap.
Framme i Rapid City. Buss mot Salt Lake går
klokka 17.20 og ein må byte buss i Gilette og Cheyenne i Wyoming.
Hadde før eg reiste heimanfrå laga ein CD med bl.a. bilete frå Valdres. Fyrste kvelden i Rapid City, starta overflatefilmen å flakne av frå CD-plata, som dermed var uleseleg. Med god hjelp fekk vi brent ut ein ny kopi frå vertsfolka eg hadde overnatta hjå i Sioux Falls, og ei veninne av Carol Ann, som var på biltur frå Minneapolis til Rapid City, køyrde innom hjå Holdahl og henta med seg ein fersk CD. Eg laga eit skikkeleg bryderi for folk alt ved starten av reisa ….
22/9 Etterlyste
og prøvde å få fatt i ein kopi av CD med bilder frå gamlelandet. Tok ei
fotorunde kring eigedommen, deretter reiste vi til Mt. Rushmore. Tok eindel
bilder. Vi var no om lag 1200-1400 moh. Skjønte det best på nedovertur.Her var
det furuskog –og svært spesiell geologi (vonar det står meir i brosjyra vi
fekk) Carol Ann fortalde at far hennar hadde tilbod om å vera med i
sprengingsgjengen då monumentet vart konstruert.
Custer State park, landskapsvernområde. Her
var det og viltvaktarar – dei kunne fortelja oss kvar dei ulike dyreflokkane
held til (Bøffel oa). Vi reiste gjennom parken, fotograferte ”nålauga”, svært
spesielt geologisk område, var sidan inne på skogvoktarkontoret. Landskapet
gjekk på turen sørover over til rullande, furukledde bakkar (lite vatn).
Fine haustfarger! Fann Bøffelflokken, så præriehund, ei større utgåve
av ”vønd”. Rancharane set liten pris på dette dyret, grev opp gangar over
store område, bufeét bryt bein…Ser ut som ein del mindre skogbrannar har
lagt øyde sume område. Far og dotter Aaberg var i brannvesenet. Stor brann i
1968, skogbotnen øydelagt. Dei gjødsla og sår så snart råd for å grasbinde
brannområdet. Her var det silt og sandbakkar.
Overraskande store mineralkrystallar utgjorde den lokale granitten, den
er også blautare enn vår (mindre trykk ??). Ser i retning Wind Cave – djup
grotte funne av ein cowboy som miste hatten sin i trekken frå hola. Farbror til
CA var turistførar i grottene , han kom seinare som ranger til Devils Tower (WY).
Bøffel i Custer S.P. | frå kyrkjegarden i Hot Springs | South Dakota Badlands | Carol Ann & Kent K |
Her
på kyrkjegarden i Hot Springs ligg syskenbarnet hans oldefar gravlagt. (Gravstøtta
ser de ovanfor, 2. frå venstre). Han heitte Embrik etter bestefaren, men
var i Åbjør kjend son ”Embriksonguten”: Han og kona Tonetta busette seg nær
Hot Springs, staden dei hadde homestead på, ser de på biletet til høgre. Eg
hadde lyst til å gå ut på ein liten bakke for å ta bilete frå ein annan
vinkel, men då ropa Carol Ann åtvarande: ”Ikkje gå dit, der kan det vera klapperslangar” – Då var det ein halvgamal kar
som for eindel meter sprang som om han hadde ”varme laus i fø’n”
Deb Bush, Hulett, WY | Devils Tower, WY | Carol Ann omkransa av vakre haustfarger |
Torsdag (24/9) Starta dagen med Lunchbreak
saman med Ken Kennedy nede i byen. Reiste nordvestover
og kom til Sturgis der det er motorsykkeltreff ei veke om sumaren. Kvart
år kjem 500.000 ”bikers” til
arrangementet. Så køyrde vi mot Butte (”noko som stikk opp over den flate prærien"),
mot vest hadde vi Terry Peak, høgste punkt om lag 1600 moh. Der var
vintersportsstadane. Vi kjem no inn i Spearfish.
– Reiste innom Hulett, WY og var på Ponderosa cafe og bar og tala med
og fekk nokre gode kaker hjå Deb Bush. (femmenningen til son min, må det bli).
Ho hadde ”blink i auga” . Bladet ”House & Garden” hadde gitt kafeen
attesta at dei serverte ”Best Bisquit and Gravey west of Missisippi”
I dag (Fredag 25/9) går ferda mot Salt Lake (Bussar vidare til San Fransisco 09 18 22 ca tid) Fredagen starta ved 8-tida, prøvde å bøta alle lause endar (på slektsopplysningar). Har montert CD-brennaren til Carol Ann og tek med bileta frå Black Hills på heimbrent CD. Reiste på turen til busstasjonen innom fam. Dahl sin kopi av Borgund stavkyrkje (kalla Lutheran Church in the Hills) der det var bryllaup. Norsk immigrantmuseum i ein liten tømmerbygning på kyrkjetomta. Ole & Lina treskulpturar utanfor. Sidan drog vi til Dahl galleri. (Dahl var ein rik bankier av norsk avstamming). Her er ein frise over amerikansk historie langs fire veggar – vel verdt å sjå! Til sist la vi turen innom eit kunst/handverksutsal med flotte papirmachefigurar (indiansk kunst). …..Så går bussen….